<<猴年健康好開始 – 潮食「開年齋」>> ( “e+ 娛樂 Entertainment Weekly”, 2016/2/4, Issue 014, P.93)
歡度新歳，少不免會大魚大肉一番。為了平衡佳節美食的肥膩感，很多家庭都會按照「開年飯第一口齋」的傳統，在年初一食齋，也正好讓腸胃休息一吓。但，食齋一定健康嗎? 如果揀錯齋菜或煮法唔正確，分分鐘令你越食越肥，兼且膽固醇和血壓飆升!
市面上的素食五花八門，最傳統常用的包括用「萬年油」炸的豆卜、生根、炸枝竹，響鈴及添加了大量色素、化學劑和鹽份的加工素肉，如齋叉燒、齋鮑魚、炸素鵝等，絕對是健康的大敵。傳統煮法方面，為了令齋菜味道豐富和賣相吸引，會加入南乳、用較多的油來炒和打芡等，令到原本健康、清腸胃的齋菜越食越唔健康。要做到清腸胃兼降「四高」，首先就要從選材入手，再利用天然調味料，帶出齋菜的真健康！
降「四高」好齋:
– 冬菇、木耳、雲耳、雪耳、竹笙
– 多色帶甜蔬菜: 粟米筍、蜜糖豆、白蘿蔔、紅蘿蔔、馬碲、 蓮藕
– 新鮮枝竹、豆腐乾
– 純果仁: 夏威夷果仁、合桃、腰果、松子
調味好搭檔:
– 芫茜、蒜頭、薑、蔥、麻油、五香粉、咖哩粉等
今年不妨把傳統的開年齋「潮變」成「咖哩八寶齋」:
材料: 素八寶 – 椰菜花、甘筍、翠玉瓜、粟米筍、茄子、蓮藕、洋蔥 (切碎)、夏威夷果仁
調味: 薑 (切細粒)、咖哩粉、麻油、鹽、豉油和食油
以上配搭可隨你個人喜好轉換。只要運用你無窮的創意，平凡的齋菜也可以煮得好味又健康!
